اجمل ما قرات في الرثاء

يا قبر أعز إنسان غالي رقد فيـك // خفف عليه من التـراب الثقيلـي

يا قبر ماني طيب عقـب راعيـك // اللي رعاني صـار عنـدك نزيلـي

غليك أنا يا قبر من حب راعيـك // مرحوم يا راعي الوفـا والجميلـي

ياللي سكنت القبر صوتي يناديـك // موتك جرح قلبي وهديـت حيلـي

ما أنساك والله لين قبري يوازيـك// وأعلن من الدنيا العريضه رحيلـي

وأمـوت كـل مـا حـل طاريـك // كنت أفتكر عمرك معانـا طويلـي

يبكي عليك البيت من عرض أهاليك// لي دخلت البيـت دمعـي يسيلـي

قصيدة رثاء أم في ولدها الغالي نواف الذي توفي في حادث سيارة والله يرحمه ويرحم اموات المسلمين

يالله يا منـزل تبـارك والاعـراف
يا فارج الضيقـه عزيـز الجلالـي

تجبر عزا قلبي على فقـد نـواف
وتمدنـي بالصبـر لفـراق غالـي

جاني خبر نواف معدوم الاوصاف
يوم الربوع وقلت عـزي لحالـي

أصغر اخوانه جا يخبر بمـا شـاف
والدمع من عينه على الخد سالـي

بعد العشا قلبي من الهـم ينـلاف
والموقف اللي صار فوق احتمالـي

قلت اخبروني عل ما صابه خـلاف
قالوا بسرعة لـو سمحتـي تعالـي

نشدت وينه قالوا انـه بالاسعـاف
ويمكن لشوفه مـا يجيلـك مجالـي

ويوم فجعوني صار بالقلب خفخاف
أركض وصاب العقل مثل الهبالـي

ورحت لحبيب القلب والدمع ذراف
وحلو النبا له صورة فـي خيالـي

لقيت نور العين ملحوف بلحـاف
واللي هناك يقدمـون العـزا لـي

ويوم الخميس محمل فوق الاكتاف
للمقبـرة شالـوه جمـع الرجالـي

ولولاي أخاف الله لاعدي بمشراف
وإني لاشق الجيب مما جـرى لـي

لكن عساه بجنة الخلـد ينشـاف
ويغفر له المعبـود منـش الخيالـي

الله يرحم ولدها ويرحم موتانا وموتى المسلمين
اعجبتني فنقلتها لكم

» اجمل ما قرات في مكر النساء
» اجمل ماقيل في الام
» اجمل خواتم الخطوبة
» اجمل بطاطا ذقتها في حياتك
» كتاب نخبة الاطباق من اجمل كتب الطبخ