شعبان عبدالرحيم
كوارثنا زادت كارثة .. والوضع شكله خطير
قال يعنى كانت ناقصة .. أنفلونزا الخنازير
مرض خطير على البشر .. وبقولك وبوعيك
وفى دولتين انتشر .. أمريكا والمكسييييييك
إيييييييه ........
الأنفلونزا كترت قوي .. وبقت مرض خطير
مبقتش طيور وبس .. بقت كمان خنازير
لو شفت يوم خنزيرة .. ولو شفت يوم خنزير
لازم تلحق وبسرعة .. تاخد بعضك وتطييييير
إيييييييه ........
خنازير وطيور ولسه .. الناس جالها اكتئاب
قادر ربنا يسترها .. ع القطط والكلاب
بقول بأعلى صرخة .. مش ناقصين سكوت
علشان خنزير وفرخة .. حرام الناس تموووت
إيييييييه ........
قفلنا كتير مزارع .. وعدمنا طيور كتير
عايزين قرار سيادى .. ونعدم الخنازير
ليه الخنازير تعيش .. ونضحى بناس كتير
تعيش الناس سليمة .. وطظ فى الخنازير
يا ريتهم يعدموها .. والناس فى أمان تبات
ولا الأمن يدخل .. ولا تحصل إضراباااات
إيييييييه ........
الرئيسية
لتحميل الصور والملفات
دردشة المنتدى
