الفرق بين الشب والصبية بالسرفيس (الباص)

شوفو الفرق بين الشب والبنت بالسرفيس

المواقف اللي ممكن تتعرض إلها وانت بداخل السيرفيس

وانت طالع ممكن يخبط راسك بالباب لأن ارتفاعو غلط
فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلن رح يضربو الشوفير لأن الحق عليه ما اشترا سيرفيس الو اكياس هوا مشان الصدمات

واذا كنت شب فرح تسمع العالم عم تضحك وتقول العما ضربو مانو شايف !!!!!!! يالله بيستاهل ..شوف وين كان عم يبصبص

وقت بتسكر الباب بهدوء تبعا لتعليمات الاعلان اللي موضوع عالباب وما بيتسكر
اذا كنت بنت … دخيل الله شو هالأنوثة ليك وحتى عالباب مالها نفس تخبطو
اذا شب …. ليك التشتوش ليك مالو حيل يسكر الباب تفه عهالجيل

وقت بتسكرو بقوة
اذا كنت بنت … يا حرام اكيد معصبة من شي شغلة الله يعينها

اذا شب …. هشششش فهمنا انك قبضاي خلعت الباب

وانت قاعد ممكن يجيك اتصال
اذا كنت بنت ….. ياخ مأحلا صوتها نيالو المحظوظ .. ومعها اريكسون يا اخي مزوقة

اذا كنت شب …. تضرب انت واللي داير عليك وطي صوتك صرعتنا والله فهمنا معك موبايل

وقت بيوقفلك الشوفير وما بيكون في معو محلات أصلاً
اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير

اذا شب دبر حالك عالدولاب وازا ما عجبك روح مشي شهههه نحنا بعمركن كنا نروح عالحسكة مشي

وقت بيكون معك اغراض
اذا بنت في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراض
واذا كنت انت اخوها وجبنت الاغراض شو رح يقولو ؟؟ هوهوووووووو تعا حطن بحضننا !!! كلو مشان ما تاخد تاكسي لعما البخل

وقت بتطلع غنية بشعة والصوت قوي
اذا بنت الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها)

اما اذا شب رح يلتفت عليك الشوفير ويقوي الصوت حبة تانية ورح يقول : ليك هالعالم ليك بدو يشترينا بالخمس ليرات تبعيتو !!!

وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوي

اذا كنت شب بيتطلع فيك اللي حدك وبيقلك بنظرة فوقية : ما سمع صوتك
وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟

واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلن بصوت واحد :على مهلك على مهلك ….. نزلها …. شو مانك سامع ؟
…. عاليمين … نزلاااااااااااااااااااااا

هههههههههههههههه

اي نيالنا

يسلموا حبيبتي

معك حق نيالكم

اما نحنا الشباب الله لا يردنا

شكرااااااااااااا على هالموضوع الجميل

شايفين البنات شو مدللين

معناتا لازم انتوا يا شباب تدللونا هههههههه

متل ما بقولوا دلل سيارتك

بس نحن مو سيارات نحن بنات (بدلع)

يعني دلل البنات اللي بالمنتدى

بدكن الحق ا والله بيستاهلو ليش اسمن جنس لطيف واللي ما عجبو يشتري سرفيس

لك روح الله محيي اصلك
عمو محمد علي

نيالكم مااااااااا والله لو تعرفو بقيمة الشباب محكيتو هالكلام

وانت محمد علي شو من أول مساهمة واقف مع البنات

ههههههههههههههههههههههههههههه

هههههههههههههه العز للرز والبرغل شنق حالو مافيني قول اكتر من هيك

مواهاهاهاهاهاهاهاهاهاهاهاهاهاها
ضحكة شماتة ههههههههه
برنس سورريا والله انا الصراحة مقدرة قيمة الشباب بس الشباب ما عم يعرفوا قيمتنا ههههههههه

هههههههههه بظن حبيتي sisi كفت ووفت

مشكورني الكل عمروركم عالموضوع نورتوا بحضوركم

مع ودي

» بابا الشب مافي منو
» معاملة البنت والشب بالسرفيس
» الفرق بحب البنات وحب الشباب (مهمة جدا)
» ما هو الفرق بين الزوجة والسكرتيرة
» الفرق بين البدل والعوض